14 мая 2026 года, на заседании Священного Синода были утверждены к общецерковному богослужебному употреблению тексты молитвословий двум Санкт-Петербургским святым!
● Священноисповеднику Михаилу Союзову, пресвитеру Петроградскому
patriarchia.ru/article/121096.
Тропарь, глас 2:
Воспоим, людие, священноисповедника Михаила,/ Кронштадтскому праведнику сослужителя искренняго/ и святителю Вениамину сострадальца вернаго,/ в житии своем Богу и ближнему ревностно послужившаго/ и на судищи беззаконнем веру правую небоязненно исповедавшаго.// Того молитвами, Христе Боже, спаси души наша.
Кондак, глас 5:
Любовию и милосердием душу свою украсив,/ паству твою призывал еси благотворити терпящим глад и нищету,/ и во исповедание веры, яко в броню крепкую одеявся,/ пред мучители правду Божию явил еси,/ священноисповедниче отче Михаиле./ Ныне же Престолу Вседержителеву предстоя,// тепле молишися о душах наших.
● Мученице Анне Лыкошиной Петроградской
patriarchia.ru/article/121095.
Тропарь, глас 4:
Благодати тезоименитая,/ града святаго Петра похвало,/ на островех Соловецких узы и страдания за Христа претерпевши,/ блаженства изгнанных правды ради причастна явилася еси,/ мученице славная Анно,/ моли Христа Бога,// спастися душам нашим.
Кондак, глас тойже:
Древним мученицам подражавши,/ естество немощное силою Божиею укрепила еси/ и, на страдания за Христа устремившися,/ чертога Небеснаго Жениха достигла еси,/ мученице Анно богомудрая,/ ныне радости Небесныя наслаждающися,// моли о верою и любовию чтущих тя.